Hiem ureung jameun

1. Nyoe pat na hiem bak loen saboh, Tapham beujroh taboh makna :
"Bak jih sibak, boh jih saboh Hantom soe koh siumu donya"
( LANGAI )
2. Nyoe saboh truek bungong sukon, Saboh panton loen som punca :
"Bak jih sibak, on jih si on Meureutoih thon hantom mala"
( AWEUEK )
3. Allah hai cob jallabia Mandari cob jallabia
"Jidong gunc'op jigrop keumang, Mandari cob jallabia"
( JEUE )
4. Kulat pak di Meulaboh
Kulat goh di Keumala
"Ureueng toe han meuteumee pajoh
Ureueng jeu'oh meuteumeung rasa"
( ANEUK BEUDE )
5. Innallaha la yastahyi
"Awai badab dudoe gaki
Oh lheueh gaki timoh jaroe
Dalam lueng doe kacra kacri"
( ANEUK ABIEK )
1. Nyoe na saboh masa,alah
Cuba peuglah soe nyan pinta :
"Dua nyang tho peut nyang basah
Suci hadaih soe nyang bawa "
( TUENG IE SEUMBAHYANG )
2. " Na saboh kitab 365 on
Si on-on dua blaih banja
Sibanja-banja lhee ploh boh titek"
Soe nyang lisek cuba boh makna
( THON, BULEUEN, UROE )
3. "Na saboh cicem jipo u laot
Jingieng u likot aneuk jih kana
Jijak ngon jiwoe eumpeuenlam reugam"
Soe utoh pham cuba boh makna
( KALAM NGOEN DAWEUET )
4. Nyoe saboh treuk wahe adoe:
"Saboh nanggroe le that kuta
Lapeh nyang phon kuta taloe
Kuta beusoe nyang keudua
Silapeh treuk kuta pirak
Ie meugrumgrakdalam kuta"
( BOH U )
5. " saboh syiah geutron digle
Pajoh pade meugunca-gunca
Ladom geutueng, ladom geuboh
Ladom geusroh,Ladom seuba"
Cuba peugah hai budiman
Soe syiah nyan geuboh nama...?
( JEUNGKI )

Add me :
       fb.  : teuku halim